هيونداى توسان 2016 الشكل الجديد ( سابقا ix35 )
النهاردة كنت فى توكيل كيا فى ابوظبى - شفت التوسان 2016 2000 cc ....وهم يا جماعة....فعلا اتغيرت تماما عن الشكل القديم ix35 و اصبحت اقرب جدا للسنتافى فى الضخامة و الوقار ....و سألت عن موتور 1600 cc و قال نازل فى فبراير القادم يعنى بعد حوالى شهرين او ثلاثة - و المفاجأة الجامدة ...ان فيه منها موتور نازل 1600 تربو ...يعطى حوالى 180 حصان - طبعا التوسان 2016 كلها مع اختلاف قوة الموتور نفس الشكل و الحجم و بصراحة السيارة فى المعرض اخر شياكة - و السيارة عالية و كبيرة و واسعة من الداخل - ده غير الفخامة و المواد المصنع منها الصالون كاملا - و ذوقها بسيط من غير دوشة و فيها كل اللى تعرفه من اوبشن -و كمان رنجات 19 رافعة السيارة فى مستوى اللاند كروزر - و الشنطة ليها مفتاح اتوماتيك تفتح لما تقف وراها 3 ثوانى و كمان الشنطة تضغط على زر للاقفال اتوماتيك - فيه اضافات فى السيارة اشبه بسيارة BM X5- فعلا حاجة ممتازة و تستاهل الانتظار - انا كنت عامل فى حساباتى انى هشترى كيا سبورتاج - تاحقيقة - بعد ما شفت التوسان الشكل الجديد - مفيش مقارنه اساس فى الشكل الخارجى و الشياكة - فعلا احلى شكل و احلى موديل عملته شركة هيونداى حتى الآن و انا اتوقع لها انتشار و مبيعات رهيبة حتى لو كان سعرها عالى فى مصر - انصح من مقبل على الشراء و يهوى الدفع الراباعى ...ان ينتظر التوسان 2016 ( الشكل الجديد ) طبعا ممكن فى مصر الشكل الجديد ده يوصل 2017
هل جمارك 1600 cc هى نفس جمارك 1600 تربو
السيارة نازلة هنا فى الامارات بشاشة - و فيها مواصفات زيادة عن مواصفات السيارة اللى كان حسن الكتبى بيوصفها فى السعودية - و يبدو ان منها فات محتلفة مش كل الخليج فة واحدة - بالنسبة لموضوع انها 1600 عادى مش تربو - و ان السيارة 2000 cc حسن الكتبى فى السعودية بيقول ضعيفة و محتاجة على الاقل 2400 - يا جماعة الخليج ليه تصور تانى فى الشوارع و فى السرعات و الطرق معظمها ممهدة و هناك مسافات بين المدن كبيرة و هذا معتادين عليه و تجد المسافة بين البيت و العمل تصل الى 100 كيلو يوما يقطعها كل يوم ذهاب و اياب - و الطرق مفتوحة بالتالى السرعات العالية مطلوبة - اما عندنا فى مصر - السفر قليل و الطرق مقفولة و السرعات داخل المدينة متوسط 100 كيلو / ساعة - و اعتقد جميع السيارات العالية الحديثة حاليا فى مصر 1600 - من القاشقاى الى السبورتاج الى الهيونداى توسان الى السوبارو vx - و لا يفضل الشعب المصرى السيارة فوق 1600 cc لنواحى اقتصادية - اما الخليج - السيارة التى تقل عن 2500 cc تعد من السيارات الضعيفة و ذلك لإنتشار السيارات الامريكة و الاوروبى ذات السعات العالية من 3500 فما فوق - لذلك - لا يوجد وجه مقارنه بين السعة اللترية المناسبة للخليج و المناسبة لمصر
- اما بالنسبة لسعر السيارة العالى و الذى وصل 307 الف ...هو فعلا سعر مغالى فيه - و انا اعتقد ان من يحاول ادخال هيونداى توسان 1600 تربو من منافذ جمارك مصر سوف يدفع ضريبة عالية - و كان سؤالى هنا - هل شريحة الجمارك للسيارات 1600 cc - تتبع نفس الشريحة لل 1600 cc تربو - ام اكبر منها نوعا - لأن حتى لو هناك فارق لا اعتقد انه سوف يرتقى الى الشريحة الأعلى مثلا فى الجمارك - لذلك كنت اريد من الاعضاء من له معرفة بذلك ارجو افادتنا بالنسبة للجمارك للسيارات 1600 cc تربو - و لكم جزيل الشكر
Coil Spring Cushion Buffer
Super Power Front Shock Absorber Coil Spring Cushion Buffer for Hyundai Tucson
http://g02.a.alicdn.com/kf/HTB1cAlCI...Xq6xXFXXX5.jpg
:bravo::bravo::bravo::bravo::bravo: